சாதிக்க ஓடி வரும்
சாதியில்லை
சாதனைக்கு அடைமொழி தான்
தேவையில்லை
உட்புகுத்த தினமுழைக்கும்
உம் மூடத்தனம் பற்றிடவே
பொறுப்பதில்லை எம்
அறிவுமுகம்
பெயர்கொண்டோர் மட்டுமின்றி
பெரும் செயல்கண்டார்
எம் தலைவர் அவர்
செயலன்றி எதையுமினி
சேர்ப்பதில்லை
பாகுபாடு பேசியுன்
பண்பாடு காட்டிவிட்டாய்
கூருபோட பேசுமுன்னை யாம்
கூருபோட்டு விரட்டுமுன் ஓடிப்போடா
எமை பிடித்ததொரு ஒட்டுண்ணியே!
சாதிப்பவர் துறப்பவற்றில்
முதன்மையது சாதி
துணைக்காலொடித்து முடமான
அச்சதியதற்கு உனை
தூக்கிச்சுமக்க வலுவுமில்லை
நீ பதைபதைக்க படுகுழியில்
விழுந்திடவே பார்த்திடவும்
திராணியில்லை
உனை ஒதுக்கி
நகருமொரு பண்பாடு
பாரதி தந்ததில்லை!
சேர்ந்து வா இனியேனும்
மனிதனாய் எம்மோடு!
கருத்துகள் இல்லை:
கருத்துரையிடுக