விடுபட்ட சிலந்தி
இன்னும்
வீடு தேடிக்  கொண்டிருக்கிறது!

இனிமையில் நனைகையில்
முழுதுமாய் உணர்வோம்!
துயரிலோ -
பேரினிமை நோக்கியே
விழைவோம்!!

இயல்புக்கு மீறி
பெருத்து வீங்கிப் போனவை
காலாவதியாகின்றன -
500, 1000 என!!

நகர்ந்து கொண்டிருக்கிற
நதியினடியில்
நகராது  அமிழ்ந்துகிடக்கும்
பாசி  பிடித்த கற்கள்!!

செருக்குடன் நடை,
அலட்சியமான பார்வை
மெல்ல சுவரேறிய பூனை பார்த்து
நான் பதுங்கி பின் வர
அதே அலட்சியத்தோடு
நெருங்கித் தொட்டான்
மூன்று வயது பாலகன்!

சில சமயங்கள்
அனுபவங்கள் கற்றுத் தருவதை விட
ஆர்வம் கற்றுத் தருவது
உண்மையாயிருக்கிறது!!