மயக்கநிலை

கொதிக்க கொந்தளிக்க 

சில கவிதை கொப்பளிக்கும் 

படிக்கும் வழக்கொழித்த 

திரைப்பங்கு கனத்து நிற்கும் 

இருளை இழுத்துக்கொண்டு 

கண்கள் கதவடைக்கும் 

அசைவுச் சட்டகத்தில் 

இடை இடை இருள்கலெதும் 

மூளை உணர்வதில்லை

அறிவின் மயக்கநிலை 

திரையில் தெரிபவைகள் 

எதுவும் உண்மையில்லை 

இருக்கை அருகிருக்கும் 

உண்மை தெரியவில்லை

கட்டுக் கதைகளினிலே

ஊறிய காரணத்தால் 

பகலினில் நடப்பதில்லை 

இரவினில் புதியகதை

திரைத்துறை குட்டியிட்ட 

கூட்டம் அத்தனையும் 

வீட்டினில் புகுந்திருக்க 

கதவுகள் திறப்பதில்லை 

கைகளில் ஏந்திக்கொண்டு 

அடைந்தே கிடக்கும் நிலை 

உண்மை அத்தனையும்

வெளியே காத்திருக்க

ஏதோ தேடுகின்றோம் 

எதுவென்று தெரியவில்லை 

வெளிச்சம் படும் வரைக்கும் 

கிடைத்திட வாய்ப்புமில்லை