இழுத்து மூடப்பட்ட 

தொழிற்சாலை.

'இனி 

எந்த சத்தமும் 

தூக்கம் கலைக்காது' 

நிம்மதியாய் வந்து குடியேறும்

தொழிற்சாலை வளாகத்து மரத்தில் 

பல ஊர்ப் பறவைகள்!

'கா கா கா' 

தினம் கூவி கூவி 

சோறு படைக்கும் 

குட்டி பெண் 

விமலா வீட்டில் மட்டும் 

இனி அடுப்பும் எரியாது 

படிப்பும் ஏறாது!

அவசரம்

உளி வழி 

புள்ளியில் பயணிக்கிற

சிற்பி!

பொறுமையிழந்து 

நகர்ந்து போய்,

படைத்து முடித்தவைகள் 

பார்த்து, வியந்து,

பாராட்ட  

திரும்ப வருகையில்...

பழைய புள்ளி முடித்து 

அடுத்த புள்ளிக்கு

பொறுமையாய் 

நகர்ந்திருக்கிறது உளி.

அப்பப்பா முடியாதப்பா

வேலையில்லா மனிதனா நான்?

விரைந்து நகர்ந்த போது கூட 

உணரவில்லையே...

உடைத்து வீணாக்கிய 

வைர கற்கள் பற்றி!

மூளைப் பகுதியெங்கும்

படர்ந்து நிறைந்திருக்கும்

நியுரான் மண்டலங்களில்

திரும்ப திரும்ப 

பரிமாறப் படுகிற

உன் பெயரும்,

உன்னோடான ஞாபகங்களும்

திகட்ட திகட்ட 

பரிமாறப் படுகையில்...

தசை நாண்களால் 

பின்னப்பட்ட இதயத்திலா,

இடது பக்க அரைக்கோள 

மூளையிலோ

எங்கிருக்கும் 

என்றுணரப்படாத 

மனசின் வழி - 

வலியும், பெருங்குரலெடுத்த 

வேதனையும்

பரவி விரைகிற 

சாலையில் 

நிதானித்து  நகர்கிறது 

வாழ்க்கை!

வார்த்தைகள்

சர்வ சாதரணமாய் 

வசப்படும்

மறுபடி படிக்கையில் 

தலையேறி 

போதை நிக்கும் ...

நீ தானா எழுதியது???

நம்ப மறுக்கும்.

காலையில் நிகழ்ந்தது
சாதரணமில்லை தான்
மதியம் நிகழ்வதோ
அதற்கும் மேலே


நொடிக்கு நொடி
இது அதே வாழ்க்கை தானா
என தலைசுற்றும்!

தெளிவாய் நகர்ந்த 

நாட்கள் அவை!
எளிதாய் வாய்ப்பதில்லை
எல்லோருக்கும்!

இனிதாய் வாய்த்தது
உன்னோடு!


ஆசிர்வதிக்கப்பட்ட
நொடிகளில்
ஒவ்வொரு தடவையும்
உடனிருந்தாய்!

நீ உடனிருக்கிற
நொடிகளில்
ஒவ்வொரு முறையும்
ஆசிர்வதிக்கப்படிருக்கிறேன்!

கோவில் வாசம்

ஏறிப் போன

விலைவாசியில் 

தலைசுற்ற

குற்றப்பத்திரிக்கை வாசிக்க

கிளம்பினேன்!

முழம் 

அம்பது ரூபாயாம்

கூவி வரவேற்றாள்

கோவில் வாசலில்
பூக்காரி!

பகட்டு கூடாரத்திற்குள்
தாய் மொழி வாசமில்லை
தாய் தந்தை
உடனில்லை
கொஞ்சம் மது, மாது,
சிலு சிலு நடனம்.
எல்லாம் மறந்திருக்க
இனிமையாய் தானிருக்கும்...
உறைக்கும் ஒரு நொடி
தொடும் வரை!!!

ஊன்று கோல்

காது வழியே

உன்னிப்பாய்

சுற்றுபுறம் உள்வாங்கி

நடை போடுகிற

நண்பனுக்கு

சின்ன சின்ன

தடுமாற்றங்கள்!

அங்குமிங்கும் 

தட்டி தட்டி

ஊன்றுகோல் பற்றி

தெளிவாகவே

சாலை கடக்கிறான்!

எல்லாம் தெளிவாகவே

தெரிகிற

நான் தட்டு தடுமாறியதில்

எத்தனை காயங்கள்...

ஊன்று கோல்களுக்கு!!