கதை

 கதை தான் 

கதை தான் 

எல்லாம் கதை! 

கேக்குற எல்லாம் 

பெருங்கதை 

அப்பா அம்மா 

சொன்ன கதை 

கேட்ட காலம் 

பழைய கதை 

யாரோ யாரோ 

சொல்லும் கதை

தூக்கிட்டு அலைஞ்சா  

நம்ம கதை 

கதை தான் 

கதை தான் 

எல்லாம் கதை! 

கேக்குற எல்லாம் 

பெருங்கதை 

வீட்டுக்குள்ள பேசும்  

நூறு கதை 

பக்கத்து வீட்டு 

வேறு கதை 

ஓட்டு கேட்டு 

கோடி கதை 

முன் சொன்னதை 

கேட்டா இன்னொரு கதை 

ஓடுது ஜோரா 

சினிமா கதை 

கோசம் போட்டு 

போகும் கதை 

வேசம் மறைக்க 

கிளப்பும் கதை 

கேட்டு கேட்டு 

நிசமா போச்சு 

உண்மை பொய்யி 

புரியாம தான் 

புதுசு புதுசா 

மேலும் கதை 

கதை தான் 

கதை தான் 

எல்லாம் கதை!

கேக்குற வரைக்கும் 

நீளும் கதை 

உண்மை தேட 

உறிச்சு பாத்தா 

பல்ல இளிக்கும் 

நோஞ்சான் கதை 

தாத்தா கதை 

கேளு 

பாட்டன் கதை

கேளு 

உண்மை கதை 

தேடி 

நீட்டு உன் காது 

மூளை உள்ள 

ஆளு 

வேலை செய்யும் 

பாரு 

உண்மையென்ன 

பொய்யென்ன 

பிரிச்சு போடு 

சொல்றவன் பேச்சை 

நம்புறவன் மூடன் 

தெளியிற கருத்தை 

சேமிச்சு வைச்சா 

நாம் தாண்டா தூளு 

கதை தான் 

கதை தான் 

எல்லாம் கதை!

பரம்பரை புரிஞ்சா 

மசிய மாட்டோம் 

தாத்தா கதை 

கேளு 

பாட்டன் கதை

கேளு 

உண்மை கதை 

தேடி தேடி 

நீட்டு உன் காது

கொளுத்திப்போடு
கொளுத்திப்போடு 
பட்டாசு 

வீதி வெரிக்க வெரிக்க...
காது கிழிக்க கிழிக்க...

கொளுத்திப்போடு
கொளுத்திப்போடு
பட்டாசு 

சேத்து வச்ச
பணமெடுத்து
கிளம்பு 

கால்கள் வலிக்க வலிக்க 
கைகள் கணக்க கணக்க 
சேத்து வச்ச பணமெடுத்து 
பரப்பு 

புதுசு
எல்லாம் புதுசு

பிதுங்கி வழியும் 
துணிக்கடையில் 
எடுத்து போடு 
பொறட்டி பாரு
 
எடுத்து மாட்டி  
மவுசு ஜோரு 

புதுசு
எல்லாம் புதுசு
தீவாளி நேரம் வந்தா 
ஊரே புதுசு 
எங்கும் புதுசு 

பலகாரம் பஜ்ஜிக்கு 
வாயூறும் இனிப்புக்கு 
லிஸ்ட் போடு 
பலசரக்கு லிஸ்ட்  போடு 

எண்ணை தேச்சு 
குளிக்க சுகம் 
வேட்டு போட்டு 
களிக்க சுகம் 

சிறப்பு தீவாளி 
சிறப்பு 


கால்கள் வலிக்க வலிக்க 
கைகள் கணக்க கணக்க 
சேத்து வச்ச பணமெடுத்து 
வாழ்த்து 

கொடுக்க கொடுக்க 
வளரும் பணம் 
வாழ்த்து தீவாளி வாழ்த்து 
 

பெற்றது எல்லாம் 
பெருமிதம் தானே
மற்றது எல்லாம் 
கணக்கிட இல்லை 

கற்றிடும் நாட்கள் 
முடிந்திடவில்லை 
தொற்றிடும் மகிழ்ச்சி 
பரவிட பெருகிட 

தொட்டது எல்லாம் 
துலங்கிடும் வண்ணம் 
தந்தது எந்தன் 
நட்பென சொல்வேன் 

உற்றது உடையது 
உறவே நட்பென 
ஆசான் தந்த 
அறிவுடன் என்றும்  

மட்டென மகிழ்ச்சி 
மடையென ஓடும் 
கொட்டிடும் அருவியில் 
நனைந்திடும் தேகம் 

பெற்றது எல்லாம் 
பெருமிதம் தானே
மற்றது எல்லாம் 
கணக்கிட இல்லை 

கற்பனை கல்லில் 
கலை வடித்திடவே   
உளி தந்தாளே 
தாய்மொழி அன்னை 

சட்டென ஓடும் 
வேதனையெல்லாம் 
மெட்டுக்கள் நிறைந்ததென் 
தகதிமி தகதிமி 

இழைந்திடும் குழைந்திடும் 
இசை நிறைத்திடவே 
தகதிமி தகதிமி 

நேரம் குறைக்காத வேகம்

வளைஞ்சு வளைஞ்சு 
பறக்குது காரு 
சொடுக்கு போடும் 
நொடியிலே தாவு 
இமைக்க மறுத்து 
பாக்குற மத்த   
கண்களை கடந்து 
போகுது பாரு 

நாலே வீலா 
நானூறு வீலா 
பறக்குற தேரா 
புரியல தோழா 
ஜிவ்வு ஜிவ்வுனு 
இருக்குமோ காலு 
அட்ரீனல் பிதுங்கி 
வெடிக்கிற பீலோ  

பரவுது பாரு 
கிளம்புது நாலு 

வளைச்சு ஒடிச்சு  
பறக்குது காரு 
சொடுக்கு போடும் 
நொடியிலே தாவு 
இமைக்க மறுத்து 
பாக்குற ரெண்டு    
கண்களை கடந்து 
போகுது பாரு 

அடையிற இடத்துல 
தெரியுது காரு
என்ன தான் 
கணக்கோ எதுவும் 
புரியல 
வேகம் குறைக்காதோ 
நேரம்? 

 யாரோ பார்த்த கனவு
தினமும் பூக்கும் புதிது
கடந்தவை கோர்க்கும் பொழுது
ஜொலிக்கும் கண்ணில் அழகு

இன்னும் மூச்சு வேண்டும் 
உந்தன் பேச்சு வேண்டும்
உடன்வரும் போதில்  தானே  
புரியிதே பிறப்பின்  கனவு

முனைநிரல் மூளையிலே 
அறிந்திடா  சிக்கலாச்சோ
உனதரு மூச்சுக் காற்றில் 
குழைந்திடும் யாழின் ஓசை 

அதிர்வுகள் இசை மீட்ட
உணர்வினை என்ன சொல்ல
தமிழினில் வார்த்தையில்லை 
மொழியின்னும் பிறக்கவில்லை

கனவிலே வாழ்ந்து வந்தேன் 
உருவென நீயே நீயே 
விழி ஒளி நீயே நீயே 
விளக்கமே நீயே நீயே

இரைந்த  இசை நிறுத்தி
இமையமர சுவைத்தேன் 

செண்பகம், செவ்வாயன் 
சுடலை குயில், கோகிலம் 
பச்சை வாயன் -  சேரக்  
கோர்த்த இசையில் 
இலயித்து கிடைந்த  மனசு
கேட்டது - குயில்களே
பாடுக  தமிழ்!

இசைக்கொரு விசை

இருபங்கு நானென்று 

இறுமாந்தோ ஹைடிரஜன் 

உயிர்பங்கு தானென்று 

உசுப்பேறி ஆக்சிஜென்! 

நீரின்றி அமையாதே 

பிரிதலிலோ  வீரியம்

உணர்தலில் தாம்!!