பெற்றது எல்லாம் 
பெருமிதம் தானே
மற்றது எல்லாம் 
கணக்கிட இல்லை 

கற்றிடும் நாட்கள் 
முடிந்திடவில்லை 
தொற்றிடும் மகிழ்ச்சி 
பரவிட பெருகிட 

தொட்டது எல்லாம் 
துலங்கிடும் வண்ணம் 
தந்தது எந்தன் 
நட்பென சொல்வேன் 

உற்றது உடையது 
உறவே நட்பென 
ஆசான் தந்த 
அறிவுடன் என்றும்  

மட்டென மகிழ்ச்சி 
மடையென ஓடும் 
கொட்டிடும் அருவியில் 
நனைந்திடும் தேகம் 

பெற்றது எல்லாம் 
பெருமிதம் தானே
மற்றது எல்லாம் 
கணக்கிட இல்லை 

கற்பனை கல்லில் 
கலை வடித்திடவே   
உளி தந்தாளே 
தாய்மொழி அன்னை 

சட்டென ஓடும் 
வேதனையெல்லாம் 
மெட்டுக்கள் நிறைந்ததென் 
தகதிமி தகதிமி 

இழைந்திடும் குழைந்திடும் 
இசை நிறைத்திடவே 
தகதிமி தகதிமி 

நேரம் குறைக்காத வேகம்

வளைஞ்சு வளைஞ்சு 
பறக்குது காரு 
சொடுக்கு போடும் 
நொடியிலே தாவு 
இமைக்க மறுத்து 
பாக்குற மத்த   
கண்களை கடந்து 
போகுது பாரு 

நாலே வீலா 
நானூறு வீலா 
பறக்குற தேரா 
புரியல தோழா 
ஜிவ்வு ஜிவ்வுனு 
இருக்குமோ காலு 
அட்ரீனல் பிதுங்கி 
வெடிக்கிற பீலோ  

பரவுது பாரு 
கிளம்புது நாலு 

வளைச்சு ஒடிச்சு  
பறக்குது காரு 
சொடுக்கு போடும் 
நொடியிலே தாவு 
இமைக்க மறுத்து 
பாக்குற ரெண்டு    
கண்களை கடந்து 
போகுது பாரு 

அடையிற இடத்துல 
தெரியுது காரு
என்ன தான் 
கணக்கோ எதுவும் 
புரியல 
வேகம் குறைக்காதோ 
நேரம்? 

 யாரோ பார்த்த கனவு
தினமும் பூக்கும் புதிது
கடந்தவை கோர்க்கும் பொழுது
ஜொலிக்கும் கண்ணில் அழகு

இன்னும் மூச்சு வேண்டும் 
உந்தன் பேச்சு வேண்டும்
உடன்வரும் போதில்  தானே  
புரியிதே பிறப்பின்  கனவு

முனைநிரல் மூளையிலே 
அறிந்திடா  சிக்கலாச்சோ
உனதரு மூச்சுக் காற்றில் 
குழைந்திடும் யாழின் ஓசை 

அதிர்வுகள் இசை மீட்ட
உணர்வினை என்ன சொல்ல
தமிழினில் வார்த்தையில்லை 
மொழியின்னும் பிறக்கவில்லை

கனவிலே வாழ்ந்து வந்தேன் 
உருவென நீயே நீயே 
விழி ஒளி நீயே நீயே 
விளக்கமே நீயே நீயே

இரைந்த  இசை நிறுத்தி
இமையமர சுவைத்தேன் 

செண்பகம், செவ்வாயன் 
சுடலை குயில், கோகிலம் 
பச்சை வாயன் -  சேரக்  
கோர்த்த இசையில் 
இலயித்து கிடைந்த  மனசு
கேட்டது - குயில்களே
பாடுக  தமிழ்!

இசைக்கொரு விசை

இருபங்கு நானென்று 

இறுமாந்தோ ஹைடிரஜன் 

உயிர்பங்கு தானென்று 

உசுப்பேறி ஆக்சிஜென்! 

நீரின்றி அமையாதே 

பிரிதலிலோ  வீரியம்

உணர்தலில் தாம்!!

வெறும்(வேறு) வாய்

வெட்கி தலை குனிந்த 

நேரங்களில் ஒரு

வெங்காயமேனும் 

வெட்டியிருக்கலாம்

எனது பங்கென

வாய்த்திருக்கும்

வீட்டு சமையலிலேனும்

தேடி தேடி சேகரித்த

தகவல்களில்

யார் யாரிடிமோ

நிரூபித்து கொண்டிருக்கிறேன்

எதற்கெனவரியாமல்

பேசு பொருளாகவோ

பாடு பொருளாகவோ

கடந்து போவதோடு

மறந்து போவதும்

பழக்கமாக்கி கொண்டேன்

அந்தந்த நேரங்களில் 

தேவைப்படுகிற

சிறு சிறு குறிப்புகள்

உடனடியாய் 

தொலைக்கப் பட்டன

நாமென்ன செய்ய?

நமக்கென்ன தேவை?

காரணம் தேடி…

தொலைக்கப்பட்டவை எல்லாம்

முதலில் ஒத்திவைக்கப்பட்டவை

விளைகிற விதை!

சொந்தம்கொள்ளாத மண்-

முதல் படைப்பாளி।